2015年6月8日 星期一

濟州 - 潮遊濟州!平飛航線、到步攻略!


今個暑假想去濟州同藍天白雲喺綠茶園玩遊戲,同埋尋找오빠李敏鎬嘅紙牌,又驚首爾有MERS,濟州都係唔錯嘅選擇,當然大家都係要小心啲同注意個人衛生,或者遲一排再去啦!總有機會嘅!安全同健康先係無價的!


PND Air Tips:


HK EXPRESS其實有直航機去濟州,不過如果潮友行程唔只淨係包濟州,而係想玩哂首爾濟州釜山,就可以落首爾去金浦機埸轉內陸機!

內陸機都有幾間航空公司揀,好似Air Busan、Jin Air、大韓乜乜乜。 今次坐嘅就係Eastar Jet,因為佢同Air Busan都係有得平嘅。



第一,兩間公司都係先登記做會員、後上網買飛,而且佢地喺非旺季+星期一至四時段經常會有Special Offer,呢個時候買會平好多!

第二,因為大部份潮友都會揀早機去,所以坐早機去係會貴啲,如果想慳少少嘅潮友就可以揀晏晝機。呢次一人來回全包~$700hkd,都算okay! 



廉航又坐得舒唔舒服?雖然係細機,又坐得果50分鐘,TBH,但係舒服過HK EXPRESS,有飲品提供,然後空姐仲會同全機人玩遊戲(可可脆片韓文翻譯機聽到應該係玩包剪揼),好搞笑。



 到咗之後當然係醫肚啦~濟州市外巴士站等車期間,一於去附近嘅小餐館食返碗碗濟州島出名嘅豬肉麵墊墊胃。 

고기국수(豬肉湯麵),湯麵嘅麵條質感有啲似上海麵,湯底鮮甜,主角豬肉有接近10塊,配埋蔥花同少少辣椒粉(唔食辣嘅潮友可以講請不要放太辣:너무 맵지 않게 주세요)
好惹味好地道,4500won!



김밥(紫菜包飯)1700won,相比起其他偏貴,但味道正常,且好香麻油味~ 等車附近嘅餐廳都唔錯,呢度主要唔係食美食,係食速度,當你等緊巴士又仲有少少時間但又肚餓,絕對係你嘅第一選擇。


 鳴謝PND韓國助手可可脆片全程導航-

沒有留言:

張貼留言