濟州 - 勁惹味！芝士鐵板炒雞！

辣炒雞排(닭갈비)，其實香港由舊年起都開咗好多間有鐵板有芝士有雞嘅餐廳，但唔知點解都係唔夠原版嘅惹味。(記住先，遲啲有機會嚟先食啦)

(芝士一人份10000KRW/醬油/辛辣8500KRW一人份)，點都好，當然係要揀芝士啦～

鐵板炒雞，材料有雞肉、椰菜、木耳、翠肉瓜片，有肉有菜，口感好平衡，炒雞有芝士/辣味/醬油味揀，炒雞係唔同味唔同價錢。

食法同新村春片川家差唔多，店員先將雞肉同食材加秘製醬汁炒至半熟。

然後店員會毫不手軟地大量落芝士，順便提提，呢度芝士有輕微羊奶味，比較濃郁，驚騷嘅潮友食返辣雞好啲。

以生菜包住芝士炒辣雞，再加上大蒜食，更加惹味！

潮友可以另外再點埋蕃薯年糕條食，非常值得一試！

吃完之後可以加飯或烏冬麵嚟炒，吸盡醬料嘅精華。店內有提及炒雞+烏冬係最佳配搭，潮友可以一試！(雖然我地都係揀咗加飯~)

店名：신제주 참 닭갈비 

地址：제주도 제주시 연동261-14(濟州) 

消費：每人約8500-11000KRW 

鳴謝韓國助手可可脆片全程導航