2015年6月8日 星期一

濟州 - innisfree廣告聖地,오빠綠茶園+濟州柑甜品大食特食!




有朝一日,你去到濟州,一定唔可以唔去 오설록綠茶園潮吓聖。



O'SULLOC 오설록 雪綠茶博物館,亦都係오빠李敏鎬!!!!!!!!!!潤娥同innisfree嘅廣告拍攝聖地(笑)


是咁的,雪綠茶博物館其實係屬於綠茶品牌O sulloc嘅, 亦都係innisfree同O sulloc嘅綠茶園,因為兩個品牌都係韓國太平洋公司(牌上寫的)!


入場費:$0,有茶飲部、綠茶周邊產品賣。



 所以,綠茶控同innisfree超級fans必去!呢度有正餐有綠茶甜品有綠茶園影(沙龍時間)又有得shopping,仲可以自己整番梘,一石N鳥。






(TEA FESTIVAL預約咗仲可以炒一包屬於潮友自己嘅綠茶) 廣闊嘅綠茶園,一定可以大影特影,最好帶定廣角鏡去影啦,因為園地真係好闊。



而innisfree小屋呢面,可以睇到佢地所有產品都是由濟州嘅自然原料提煉成(右上),唔同顏色代表唔同嘅原料。


行完玩完,應該又係時候開餐大食特食綠茶! 

O'SULLOC嘅雪綠茶代表色有綠色配上茶色,建築設計空間感強。

《綠茶雪糕》奶味同甜味都唔強,冰冰凍凍,淡淡綠茶味,好清新!鐘意綠茶嘅潮友當然要飲埋《Green Tea Latte》,都係推介嘅。




仲有《圓形綠茶蛋糕》 4500KRW/個,成日賣哂,雪凍咗嘅cream幾香甜,有懷石風淡而香甜嘅影子!


 唔啱綠茶嘅可以試《濟州柑橘山坡刨冰》12000KRW/2-3人份,個名譯得好好笑,就係入口滿滿濟州柑香,之前都介紹過嘅!


仲有《濟州海女籃早餐》有齊飯團、烤薯餅、肉丸、沙律、濟州產甜菜、醃蘿蔔同青麥茶,做下午茶啱啱好。









O'SULLOC MUSEUM 雪綠茶博物館 
설록차 뮤지엄 오설록 (Innisfree綠茶園) 

地址:濟州西歸浦市安德面西廣裡 1235-3號
(제주 서귀포시 안덕면 서광서리 1235-3 번지) 

開始時間: 
夏季(4月-9月):10:00-18:00 
冬季(10月-3月):10:00-17:00 

鳴謝韓國助手可可脆片全程導航




沒有留言:

張貼留言